“Google Chrome”da bezdirici reklamlar dövrü sona çatır

Amerikan korporasiyası “Google” elan edib ki, 2019-cu ilin iyulun 9-da “Google Chrome” brauzerində reklamın blok olunması funksiyası bütün dünyada əlçatan olacaq.

Fins.az xəbər verir ki, arzuedilməyən reklamlar “Coalition for Better Ads” təşkilatı tərəfindən hazırlanan aqressiv və təcavüzkar reklamların növlərinə əsaslanır.

Siyahıya birdən üzə çıxan reklam pəncərələri, səsli avotmatik video reklamlar və səhifənin aşağı künclərində böyük pəncərədə yaranan reklamlar və s. daxildir. Ekspertlər isə deyir ki, “Google” artıq uzun müddətdir ki, arzuedilməyən reklamlar ilə mübarizə aparır.

Şirkət ilk dəfə bu haqda 2018-ci ilin fevralında danışıb və həmin vaxt “Chrome” brauzeri üzərində yaranan arzuedilməyən reklamlar Şimali Amerika və Avropada bloklanması üçün test edilirdi. Daha əvvəl, məsələn 2018-ci ilin noyabrında isə kompaniya elan etmişdi ki, bütün saytlar üzərindən bezdirici reklamları bloklanacaq.

“Chrome”un məhsul üzrə baş direktoru Bena Qelbreyta deyib ki, test buraxılışı internetdə kütləvi yaxşılaşmaya gətirib çıxarıb.

Şirkət əlavə etmişdi ki, bu o halda baş verəcək ki, xəbərdarlıqdan sonra, onlar 30 gün içərisində lazımı tədbir görməyib.