Ermənistan beynəlxalq səviyyədə manipulyasiya səylərini davam etdirməklə regionda gərginliyi alovlandırır

Ermənistan beynəlxalq səviyyədə manipulyasiya səylərini davam etdirməklə regionda gərginliyi alovlandırır

“Ermənistan məsələni həll etmək niyyətində deyil. Bunun əvəzində beynəlxalq səviyyədə manipulyasiya və çaşqınlıq səylərini davam etdirmək məqsədilə regionda gərginliyi süni şəkildə alovlandırır”.

Ens.az AZƏRTAC -a istinadən xəbər verir ki,  bunu Azərbaycan Respublikasının BMT-dəki daimi nümayəndəsi Yaşar Əliyev BMT Təhlükəsizlik Şurasının iclasında çıxışında deyib.

Avqustun 5-də BQXK vasitəsilə humanitar yüklərin çatdırılmasına dair razılaşmanın pozulmasının Ermənistan tərəfindən yaradılan yeganə maneə olmadığını vurğulayan Y.Əliyev bildirib: “Əslində bu, Ermənistanın Azərbaycanın suverenliyinə və ərazi bütövlüyünə meydan oxumaqla və yerli etnik erməni sakinlərinin reinteqrasiyasına mane olmaqla bu humanitar təşkilatın ərazidə mövcudluğunu və fəaliyyətini siyasiləşdirməsinin, eləcə də humanitar məsələlərdən siyasi məqsədlər üçün istifadə etmək cəhdinin davamıdır”.