Ərdoğandan Ayasofya ilə bağlı yeni ƏMR

Ərdoğandan Ayasofya ilə bağlı yeni ƏMR

Məscid statusuna qayıdan Ayasofya kafedralında bir gün əvvəl 1934-cü ildən bəri ilk namaz qılınıb. Artıq bu məbəd gecə-gündüz müsəlman ibadətləri üçün açıq olacaq.

Ens.az KONKRET.az-a istinadən xəbər verir ki, müvafiq əmri Türkiyə Prezidenti Rəcəb Tayyib Ərdoğan verib. İstanbul valisi Əli Yerlikaya bu haqda Twitter səhifəsində yazıb.

 

“Ayasofya məscidi gündəlik 24 saat açıq olacaq. Prezidentimizə təşəkkürümüzü bildiririk” deyib.

Ayasofya 6-cı əsrdə qurulmuş və Şərqdə uzun müddət xristianlığın simvolu olub. 1453-cü ildə Konstantinopolun Osmanlı İmperiyası tərəfindən tutulmasından sonra məbəd məscidə çevrilib. 1934-cü ildən bəri muzey kimi fəaliyyət göstərib. İyulun əvvəlində Türkiyə Dövlət Şurası Ayasofyanı muzeyə çevirən qərarı ləğv edib və Ərdoğan onu məscid statusuna qaytarmaq üçün fərman imzalayıb.