Ən bahalı evləri olan ölkələr məlum oldu
Monako ən yüksək daşınmaz əmlak qiymətləri olan dövlət statusunu bu il də qoruyub saxlayıb.
Oxu.Az xəbər verir ki, bu haqda “Savills” beynəlxalq agentliyi hesabat hazırlayıb.
Adı çəkilən cırtdan ölkədə premium sinfindən olan evin bir kvadrat metri orta hesabla 41,3 min avroya satılır.
Daşınmaz əmlak obyektlərinin icarə qiymətləri də bu ölkədə ən yüksək həddədir. Mənzillərin orta aylıq kirayə haqqı 10 min avroya yaxındır.
Burada ofis icarəyə götürmək üçün sahibkarlar hər kvadrat metrə görə ilə 1500 avro ödəməli olur.
Daşınmaz əmlak qiymətlərinin ən yüksək olduğu ölkələrin siyahısında ikinci yerdə Çin (Honq Konq), üçüncü yerdə ABŞ (Nyu-York) gəlir. İlk beşliyi İngiltərə və Sinqapur tamamlayır.
F.M.
www.oxu.az
Şərhlər
Şərhləri göstər Şərhləri gizlət