Əbülfəs Qarayevdən “Avroviziya”dakı xəritə qalmaqalına reaksiya
“Avroviziya-2019” mahnı müsabiqəsində Azərbaycan təmsilçisinin çıxışı zamanı xəritədə Qarabağ və Naxçıvanın qeyd edilməməsi məsələsini “İctimai” televiziyanın rəhbərliyi ilə aydınlaşdıracağıq.
Oxu.Az xəbər verir ki, bunu Mədəniyyət naziri Əbülfəs Qarayev deyib.
“Avroviziya” müsabiqəsinin bünövrəsində televiziyalar durur. Biz bu məsələni “İctimai” televiziyanın rəhbərliyi ilə aydınlaşdıracağıq. Bundan sonra təşkilatçılara müvafiq tapşırıqlar verilməlidir. Bu, yolverilməzdir və biz hər zaman bu kimi məsələlərə nəzarət edirik.
Azərbaycan xəritəsi bütövlükdə verilməlidir. Hətta bəzən “Google maps”da da bu kimi hallara yol verilib və biz onun qarşısını almışıq”, - deyə nazir əlavə edib.
Şərhlər
Şərhləri göstər Şərhləri gizlət