Dünyanın 12 ən zəngin gənc milyarderi

Çinin “Hurun” tədqiqat institutunun mütəxəssisləri sərvətini müstəqil şəkildə əldə etmiş yaşı 40-dan az olan gənc milyarderlərin daxil olduğu “Hurun Global 40 and Under Self-Made Billionaires 2020” reytinqini tərtib ediblər.

Ümumilikdə reytinqdə dünyanın müxtəlif ölkələrindən 53 gənc milyarderin adı çəkilir.

Beləliklə, yaşı 40-dan az olan ən gənc 12 milyarderi təqdim edirik:

10. Co Qebbia, Brayan Çeski və Neytan Bleçarzik

Onuncu yeri Co Qebbia, Brayan Çeski və Neytan Bleçarzik olmaqla eyni zamanda üç milyarder tutur. Onların hər birinin sərvəti 4,7 milyard dollara müvafiqdir.

Hər üçü də ABŞ-da yaşayır və “Airbnb” şirkətinin təsisçiləridir. Co Qebbia, həmçinin şirkətin prodakt-meneceri, Brayan Çeski baş icraçı direktoru, Neytan Bleçarzik isə baş strateqidir.

9. Van Tao

Doqquzuncu pillədə Çin milyarderi Van Tao qərarlaşıb. Onun sərvəti 6,8 milyard dollardır. Van Tao dronların istehsalı ilə məşğul olan DJI şirkətinin təsisçisidir.

8/7. Skott Farkihar və Mayk Kennon-Bruks

Skott Farkihar və Mayk Kennon-Bruks “Atlassia” korporativ proqram firmasının həmtəsisçiləridir. Hər birinin sərvəti 9,6 milyard dollarф müvafiqdir. Onlar Avstraliyada yaşayırlar.

6. Çjan Bansin

10,4 milyard dollarlıq sərvətin sahibi olan çinli milyarder Çjan Bansin reytinqdə altıncı yeri tutur. O, Çində özəl təhsil bazarında liderlərdən biri olan TAL şirkətinin təsisçisidir. Bu yaxınlarda onun şirkəti şagirdlərin özəl məşğələlər aparan müəllimlərlə istənilən zaman ünsiyyət qurmağına kömək edən proqramı işə salıb.

5. Eduardo Saverin

Eduardo Saverini “Facebook”un səhmlərinin 5%-nə malikdir. Braziliya vətəndaşı olmağına baxmayaraq, 2009-cu ildən daimi olaraq Sinqapurda yaşayır və işləyir. 12,2 milyard dollarlıq sərvətin sahibidir.

4. Dastin Moskovits

Dastin Moskovits “Facebook”un təsisçilərindən biridir. Hazırda şirkətin səhmlərinin 7,6%-i ona məxsusdur. Sərvəti 13,4 milyard dollara müvafiqdir.

3. Çjan İmin

Bu çinli milyarder 13,8 milyard dollarlıq sərvətin sahibidir. Çjan İmin “ByteDance” şirkətinin təsisçisi və baş icraçı direktorudur.  

2. Huan Çjen

Haun Çjen online alış-veriş üçün platforma təminatçısı olan “Pinduoduo” şirkətinin İdarə Heyətinin sədri və baş icraçı direktorudur. Onun sərvəti 18 milyard dollara müvafiqdir.

1. Mark Zukerberq

Artıq beşinci ildir ki, reytinqin lideri “Facebook”un təsisçilərindən biri və rəhbəri Mark Zukerberqdir. O, 77 milyard dollarlıq sərvətə malikdir.

Mənbə: Oxu.az