Dünya çempionumuz Dubayda gümüş medalla kifayətləndi
Birləşmiş Ərəb Əmirliklərinin (BƏƏ) Dubay şəhərində keçirilən karate üzrə Premyer Liqa turniri başa çatıb.
Oxu.Az xəbər verir ki, dünya çempionumuz İrina Zaretskya (-68 kq) finalda misirli Fəryal Abdeləzizə 1:2 hesabı ilə uduzaraq gümüş medalla kifayətlənib. Bu, afrikalı idmançının ilk qızıl medalı olub.
Kişilərdən ibarət kata millimiz isə bürünc medal uğrunda görüşdə İspaniyaya 23.74:25 hesabı ilə uduzaraq medalsız qalıb.
Beləliklə, yenə də Azərbaycana medalları dünya çempionlarımız qazandırıb. Bundan əvvəl beşqat dünya çempionumuz Rafael Ağayev (-75 kq) bürünc medal qazanmışdı.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət