“Dövlət satınalmaları haqqında” qanun valyutanın alınması və daşınmasına şamil edilməyəcək

Prezident İlham Əliyev “Dövlət satınalmaları haqqında” Azərbaycan Respublikasının Qanununda dəyişiklik edilməsi barədə qanun imzalayıb.

Ens.az Trend -ə istinadən xəbər verir ki, Prezident İlham Əliyevin bu gün təsdiqlədiyi “Dövlət satınalmaları haqqında” qanuna edilən dəyişiklikdə əksini tapıb.

Qanuna əsasən, Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 10-cu bəndini rəhbər tutaraq qərara alır:

“Dövlət satınalmaları haqqında” Azərbaycan Respublikasının Qanununda (Azərbaycan Respublikasının Qanunvericilik Toplusu, 2002, № 1, maddə 11, № 12, maddə 706; 2005, № 12, maddə 1083; 2006, № 12, maddə 1005; 2010, № 3, maddə 173, № 4, maddə 276; 2016, № 2 (I kitab), maddə 205, № 4, maddə 628; 2017, № 5, maddə 699; 2018, № 12 (I kitab), maddə 2523; 2019, № 7, maddə 1208, № 8, maddə 1372; 2020, № 5, maddə 525; 2021, № 6 (I kitab), maddə 559, № 7, maddə 719, № 12, maddələr 1313, 1342; 2023, № 4, maddə 456) aşağıdakı dəyişikliklər edilsin:

1. 1.1-ci maddədə “1.6-cı” sözləri “1.7-ci” sözləri ilə əvəz edilsin.

2. Aşağıdakı məzmunda 1.7-ci maddə əlavə edilsin:

“1.7. Bu Qanun “Azərbaycan Respublikasının Mərkəzi Bankı haqqında” Azərbaycan Respublikası Qanununun 65-1-ci maddəsində nəzərdə tutulmuş hallarda Azərbaycan Respublikasının Mərkəzi Bankı tərəfindən həyata keçirilən satınalmalara şamil edilmir.”.