Dodon moldovalıları etiraza səslədi
Demokratik Partiya hakimiyyəti sülh yolu ilə təhvil verməyə hazırlaşmır.
Axar.az xəbər verir ki, bu sözləri Konstitusiya Məhkəməsi tərəfindən səlahiyyətləri əlindən alınan Moldova Prezidenti İqor Dodon deyib.
“Geriyə yol yoxdur, sona qədər getməliyik. Bu vəziyyətdə bizim ya beynəlxalq ictimaiyyətə hakimiyyətin sülh yolu ilə təhvil verilməsi prosesində vasitəçi olmaq üçün müraciət etmək, ya da Moldova xalqına çağırış etməkdən başqa çıxış yolumuz yoxdur”, - Dodon bildirib.
Qeyd edək ki, bu gün Moldova Konstitusiya Məhkəməsi parlamenti buraxmaqdan imtina etdiyi üçün Prezident İqor Dodonun səlahiyyətlərinin əlindən alınması ilə bağlı qərar vermişdi. Prezident səlahiyyətlərinin müvəqqəti icrası Pavel Filipə tapşırılıb.
Şərhlər
Şərhləri göstər Şərhləri gizlət