Dillər Universitetinin keçirdiyi tenderin qalibləri eyni ünvanda yerləşir
Azərbaycan Dillər Universiteti tərəfindən keçirilən tender müsabiqəsinin (kotirovka sorğusu)qalibləri məlum olub.
Ens.az Yeniavaz.com-a istinadən xəbər verir ki, Azərbaycan Dillər Universiteti “Farm 19” MMC, “Nezrin-08” MMC və “Esma 17” MMC ilə ümumilikdə 135 min 554 manat dəyərində müqavilə imzalayıb.
Tender müsabiqəsində maraqlı məqamlardan biri odur ki, qalib şirkətlərin hər üçünün hüquqi ünvanı Biləcəri qəsəbəsində yerləşir.
Onu da qeyd edək ki, Azərbaycan Dillər Universiteti Biləcəri qəsəbəsində yerləşən daha 2 şirkəti tenderin qalibi elan edib. Ötən ilin mart ayında dövlət qeydiyyatına alınan “Xumralı” MMC 6 ay sonra – sentyabr ayında Dillər Universitetinin keçirdiyi 24 min 971 manat 40 qəpiklik tenderinin qalibi olub. “Xumralı” MMC-dən bir gün əvvəl eyni ünvanda, eyni şəxs tərəfində, eyni nizamnamı kapitalı ilə qeydə alınan “Mıncıvan” MMC isə 9 ay sonra – dekabr ayında 49 min 350 manatlıq tenderin qalibi olub.
| Adı | Hüquqi ünvanı |
Nizamnamə kapitalı | Qanuni təmsilçi |
Qeydiyyat tarixi |
| “Farm-19” MMC | Biləscəri qəs., Rəşad İsmayılov, ev 22, m. 3 | 10 azn | Hüseynov Yafət Fərəc | 10.09.2019 |
| “Esma-17” MMC | Biləscəri qəs., Qabil Süleymanov, ev 46, m. 21 | 10 azn | Seyidova Ruhiyyə Aydın | 03.04.2019 |
| “Xumralı” MMC | Biləscəri qəs., Qabil Süleymanov, ev 46, m. 21 | 10 azn | Hüseynov Nəzər Salam | 07.03.2019 |
| “Mıncıvan” MMC | Biləscəri qəs., Qabil Süleymanov, ev 46, m. 21 | 10 azn | Hüseynov Nəzər Salam | 06.03.2019 |
| “Nezrin 08” MMC | Biləscəri qəs., Rəşad İsmayılov, ev 5, m. 23 | 10 azn | Şələbov Namik Həmzə | 22.11.2019 |
Şərhlər
Şərhləri göstər Şərhləri gizlət