Daha bir ölkə donanmasını Yaxın Şərqə göndərir
Yaponiya məlumat toplamaq məqsədilə öz esmines və təyyarələrini Oman körfəzi və Ərəbistan dənizinin şimalına göndərir.
Axar.az xəbər verir ki, bu barədə Yaponiyanın Müdafiə naziri Kono Taro jurnalistlərə açıqlamasında deyib.
Nazirin sözlərinə görə, “Nakamiti” esminesi fevralın 2-də Yaponiya sahillərini tərk edəcək və ayın ortalarından adıçəkilən ərazilərdə patrul xidmətinə başlayacaq.
“Yaxın Şərqdə gərginlik artır. Yapon gəmilərinin təhlükəsizliyini təmin etmək üçün məlumat toplanmasını dərhal sürətləndirmək lazımdır”, - Kono bildirib.
Nazir qeyd edib ki, əməliyyatda Yaponiya özünümüdafiə qüvvələrinin 260 hərbi qulluqçusu iştirak edəcək.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət