Dadaşlinski “Barselona” futbol komandasının formasını deputata hədiyyə etdi

Azərbaycanda deputat efirə "Barselona" futbol komandasının formasında gəlib.

“Ölkə.Az” xəbər verir ki, İTV-də yayımlanan "3 D" verilişinin növbəti qonağı Milli Məclisə yeni seçilən deputatı Erkin Qədirli olub.

“3D” verilişinin aparıcısı “Dadaş Dadaşlinski” millət vəkilinə  "Barselona" futbol komandasının formasını hədiyyə edib.

Deputat E. Qədirli də həmin formanı geyinərək İTV əməkdaşları ilə xatirə fotosu çəkdirib. İTV əməkdaşı Anar Yusifoğlu da  E.Qədirli ilə çəkdirdiyi fotonu sosial şəbəkədə yayıb.

Qeyd edək ki, E.Qədirli fevralın 9-da keçirilən növbədənkənar parlament seçkilərində 16 saylı Yasamal ikinci seçki dairəsindən Milli Məclisə deputat seçilib.