Çin kosmosa iki peyk göndərdi

Çin kosmosa iki peyk göndərdi

Avqustun 31-də Çin Kuayçjou-1A raketdaşıyıcısı ilə kosmosa iki peyk göndərib.

Axar.az xəbər verir ki, bu barədə Çinin Mərkəzi televiziyası məlumat yayıb.

Məlumata görə raketdaşıyıcı ölkənin şimal-qərbində yerləşən Qansu əyalətinin Tszyuan kosmodromundan orbitə buraxılıb. Kosmik aparatlardan biri mikroqravitasiya eksperimental peyki, digəri isə Syaosan-1-07 elmi-tədqiqat aparatıdır.

Bu, Kuayçjou-1A raketdaşıyıcısının kosmosa üçüncü buraxılışıdır.

ÇXR meteoroloji, telekommunikasiya, naviqasiya peyklərini orbitə göndərməklə öz kosmik proqramını inkişaf etdirir. Bununla yanaşı, çinli alimlər 2020-2025-ci illərdə asteroidlərin və Marsın tədqiqi üzrə geniş proqramı da həyata keçirəcəklər.