"Çelsi" Bakı finalında "Arsenal"ı darmadağın edib

"Çelsi" Bakı finalında "Arsenal"ı darmadağın edib

Bakı Olimpiya Stadionunda UEFA Avropa Liqasının 2018-2019 mövsümünün final qarşılaşması baş tutub.

Trend-in məlumatına görə, maraqlı qarşılaşmada iki ingilis komandası – "Çelsi" və "Arsenal" qarşılaşıb.

Oyun "Çelsi"nin böyük hesablı qələbəsi ilə yekunşalıb – 4:1. Hesabı matçın 49-cu dəqiqəsində Olivye Jiru açıb. Mauritsio Sarrinin komandasının ikinci qolunu 60-cı dəqiqədə Pedro vurub, cəmi 5 dəqiqə sonra Eden Azar "Arsenal"ın qapısına təyin olunmuş penaltini reallaşdırıb və hesabda fərqi daha da artlrlb.

Qarşılaşmanın 69-cu dəqiqəsində İvobi "Arsenal"ın azarkeşlərini ümidləndirsədə, "Çelsi"nin belçikalı forvardı Azar 3 dəqiqə sonra özünün ikinci, komandasının isə dördüncü qolunu vuraraq bütün suallara cavab verib.

Beləliklə, "Çelsi" ikinci dəfə UEFA Avropa Liqasının qalibi olub. Turnirdə ilk qələbə sevincini komanda 2012-2013 mövsümündə Amsterdam finalında yaşayıb.