Cəlilabadda bu il noxud əkini aparılan sahələr xeyli artırılıb 

Cəlilabadda bu il noxud əkini aparılan sahələr xeyli artırılıb 

Bu il Cəlilabad rayonunda noxud əkini aparılan sahələr əhəmiyyətli dərəcədə artırılıb.

Bu barədə "Report.az"un yerli bürosuna Cəlilabad Rayon Statistika İdarəsindən məlumat verilib.

Məlumata görə, bu il 7 min 890 hektar sahədə noxud bitkisi əkilib. Ötən il bu rəqəm 5 min 600 hektara bərabər olub.

Fermerlərin sözlərinə görə, sözügedən bitki həm dəmyə şəraitində yetişir, həm də ixrac yönümlüdür. Buna görə də bu bitkiyə daha çox maraq yaranıb.