Cavan turist sevgilisinin pasportu ilə xaricə uçdu
Böyük Britaniya sakini təsadüfən Almaniyaya sevgilisinin pasportu ilə uçdu.
Maykl Rendall (Michael Randall) tələsik Londondan Berlinə uçuşa hazırlaşırdı. Orada o motoyürüş müsabiqəsində iştirak etmək istəyirdi. Nəticədə 23 yaşlı kişi təsadüfən birlikdə yaşadığı 34 yaşlı Şarlotta Bull-un (Charlotte Bull) pasportunu götürür.
Bu sənədlə o problemsiz EasyJet loukosterində qeydiyyatdan keçir və Qatvik aeroportunda bütün yoxlanışlardan keçir. Enəndən sonra britaniyalı aşkar edir ki, özü ilə düzgün pasportu götürməyib. O bu barədə alman miqrasiya xidmətinə müraciət edir. Onlar yarım saatlıq yoxlanışdan sonra onu buraxırlar.
Randall Berlinə uçmağa hazırlaşan həmkarı ilə əlaqə saxlayır. Tanışı onun pasportunu gətirir və o evə qayıdır.
Bull bu hadisəni biabırçılıq adlandırır. O deyir ki, EasyJet işçiləri kobud səhvə yol veriblər. Loukosterin nümayəndələri deyib ki, aviaşirkət bu hadisəni araşdırır. Hadisənin nə vaxt baş verdiyi isə məlum deyil.
Müəllif: Famil Ələkbərov
Şərhlər
Şərhləri göstər Şərhləri gizlət