Bu il Samuxdakı təsərrüfatlardan 6 min tondan çox günəbaxan tumu yığılacaq

Bu il Samuxdakı təsərrüfatlardan 6 min tondan çox günəbaxan tumu yığılacaq

Samux rayonundakı təsərrüfatlardan 78,8 ton dən üçün günəbaxan yığılıb. Samuxda əkin sahəsi ildən-ilə genişləndirilən günəbaxanın rayon üzrə builki məhsuldarlığı hər hektara görə 21,3 sentner olub.

Rayon Statistika İdarəsinin rəisi Gündüz Bayramov AZƏRTAC-ın bölgə müxbirinə bildirib ki, satış bazarı olduğundan 2018-ci ilin məhsulu üçün 2 min 865,5 hektar sahədə günəbaxan əkilib.

Əkin sahələrinin 173,5 hektarı kənd təsərrüfatı müəssisələrinin, 2 min 692 hektarı isə əhali təsərrüfatlarının payına düşüb.

Əkin sahələrinin becərilməsində aqrotexniki qaydalardan, mineral və üzvi gübrələrdən, pestisidlərdən geniş istifadə edilib. 2017-ci ildən Şəmkir Maşın Su Kanalının işə düşməsi də məhsulun vaxtında suvarılmasına və məhsuldarlığın artmasına səbəb olub.

Gündüz Bayramov sahələrdən 6 min tondan çox məhsulun toplanmasının proqnozlaşdırıldığını deyib.