Bu 10 göz əlaməti səhhətinizdə nələrinsə qaydasında olmadığından xəbər verir

Bu 10 göz əlaməti səhhətinizdə nələrinsə qaydasında olmadığından xəbər verir

Göz insan həyatında böyük rol oynayır. Ətraf aləmdə olan əşyaların forma və rəngi haqda informasiyanı beyinə çatdırmaq bu orqanın əsas funksiyasıdır. Bununla yanaşı, gözlərimiz sağlamlığımızdan xəbər verir.

 

Medicina az gözlərə baxıb xəstəliklərə diaqnoz qoymağın yollarını açıqlayır:

 

1. Ağ ləkə

 

Əgər siz linzadan istifadə edirsinizsə və gözlərinizin buynuz qişasında (göz giləsinin üzərini örtən şəffaf təbəqə) ağ ləkələr varsa, o zaman buynuz təbəqəsinin zədələnməsi səbəbindən həmin yerdə infeksiya yarandığını söyləmək olar. Əgər infeksiya ağrı və iltihabla müşayiət olunursa, o zaman təcili həkimə getməlisiniz. Narahat olmağa dəyməz, çünki bu hala kifayət qədər tez-tez rastlamaq olar.  

 

2. Göz səyriməsi

 

Əgər gözləriniz uzun müddət səyriyirsə, o zaman özünüzə sakitləşmək üçün bir qədər vaxt ayırın. Çünki göz səyriməsinin əsas səbəblərindən biri güclü stresdir. Vanna qəbul edin, kitab oxuyun və dincəlin. 

 

3. Bulanıq görmə

 

Bu, görmənin pisləşməsinə bir işarəsir. Ancaq əgər bulanıq görmə uzun bir müddət düzəlməzsə, o zaman diabet kimi daha ciddi problemlərin siqnalı ola bilər. Həmçinin bulanıq görmə bəzi göz xəstəliklərinin, məsələn, mirvari suyu, makulyar degenerasiya kimi xəstəliklərin əlaməti kimi də üzə çıxır.

 

4. Quru göz 

 

Quru göz sindromu gözlərdə kifayət qədər nəmliyin olmamasının bir əlamətidir. Quru göz allergiya əlaməti də ola bilər. 

 

5. Sarı ləkə 

 

Göz alması üzərində sarı ləkə olduğunu müşahidə etsəniz, bilin ki, günəşli havada çox vaxt keçirirsiniz. Bu ləkə pinqvekula adlanır. Tez bir zamanda həkimə müraciət etməyiniz məsləhətdir. 

 

6. Göz ağının saralması  

 

Göz ağının rənginin saralması çox təhlükəli ola bilər. Bu əlamət daha çox qaraciyər və öd problemlərindən xəbər verir. Əgər qaraciyəriniz hüceyrələri təmizləmək qabiliyyətində deyilsə, o zaman qanda bilrubin maddəsi toplanır ki, nəticədə də gözlərdə sarılıq meydana çıxır. 

 

7. Göz yaşarması

 

Göz yaşarması qadjetlərdən həddən artıq çox istifadə etdikdə meydana çıxır. Yaxşı olardı ki, əlinizdəki telefonu bir müddət kənara qoyasınız. 

 

8. Qırmızı gözlər

 

Gözlərdə qırmızı damarların olması elə təhlükəli deyil. Bu, gözlərinizin həddən artıq gərgin olmasından xəbər verir. Bəzi hallarda isə bu, soyuqdəymədən də meydana gəlir.

 

9. Üzən hissəciklər 

 

Bu halı bir çoxumuz yaşamışıq. Amma davamlı olaraq gözlərinizin önündə üzən hissəciklər görürsünüzsə, o zaman həyəcanlanmaq lazımdır. Çünki bu, torlu qişanın zədələnməsi və ya qopması zamanı meydana çıxır. 

 

10. Şişmiş qırmızı gözlər

 

Əgər gözləriniz qızarıb və şişibsə, o zaman bu, sizin yorulduğunuzdan və yetərincə yatmadığınızdan xəbər verir. Doyunca yatın, gözləriniz əvvəlki vəziyyətinə qayıdacaq.