Beyləqanda qanunsuz fəaliyyət göstərən süd məhsulları emalı sexi aşkarlanıb

Beyləqanda qanunsuz fəaliyyət göstərən süd məhsulları emalı sexi aşkarlanıb

Azərbaycan Qida Təhlükəsizliyi Agentliyinin (AQTA) Ucar Regional Bölməsinin əməkdaşları Beyləqanın Aşağı Çəmənli kəndində qeyri-qanunu fəaliyyət göstərən süd məhsulları istehsalı sexi aşkarlayıblar.

APA-nın məlumatına görə, aparılan araşdırmalar zamanı sahibkar Rizvan Alıyevə məxsus emal sexində aşkarlanan hazır məhsulların üzərində məlumat etiketləri olmayıb.

AQTA-nın Ucar Regional Bölməsinin rəisi Azad Əlizadənin APA-ya bildirdiyinə görə, sahibkar R.Əliyevə məxsus süd məhsulları emalı sexində aparılan araşdırmaları zamanı məlum olub ki, yağın, pendirin, şorun və kəsmiyin istehsalı zamanı istehsala yağın əlavə yağlılıq dərəcəsini artırmaq üçün qatqı maddələri vurulduğu məlum olub. Eyni zamanda, istehsal olunan məhsullara buraxılma və son istifadə tarixini göstərən etiketlər yapışdırılmır ki, bu da istehlakçıların hüququnu pozub.