BƏƏ operatoru 5G ilə dəstəklənən ilk qurğu təqdim edib

BƏƏ operatoru 5G ilə dəstəklənən ilk qurğu təqdim edib

Birləşmiş Ərəb Əmirliklərinin telekommunikasiya nəhəngi - “Etisalat” elan edib ki, indi onun abunəçiləri “ZTE Axon 10 Pro” smartfonunun köməyi ilə yüksəksürətli 5G şəbəkəsinə qoşula biləcəklər. .

AZƏRTAC “ArabianBusiness” nəşrinə istinadla xəbər verir ki, 5G qoşulmanın inanılmaz sürəti təqribən 1 millisaniyə ləngimə ilə 1 giqabitə çatır ki, bu da 4G məlumatların ötürülməsi sürətindən 20 dəfə artıqdır.

Bildirilir ki, belə sürət AR və VR, IoT kimi texnologiyalar, pilotsuz nəqliyyat vasitələri, süni intellekt, 3D-çap, daşınan qurğular və s. qabaqcıl sahələr qarşısında yeni imkanlar açır. 5G xidməti istənilən vaxt və istənilən yerdə heç bir ləngimə olmadan 4K çəkilişi ilə real zamanda video yayımlamağa imkan verir.