Bakıda reklam skrollerləri məsafədən idarə olunacaq

Bakıda reklam skrollerləri məsafədən idarə olunacaq

Bakıda küçə reklamında istifadə olunan skrollerlərdə reklamların nümayişi məsafədən idarə olunacaq.

“APA-Economics”in əldə etdiyi məlumata görə, yaxın 20 gün ərzində skrollerlərdə tətbiq olunacaq avtomatlaşdırılmış nəzarət sisteminə əlavə funksiyalar inteqrasiya olacaq. Bu funksiyalar əlavə olduqdan sonra quraşdırma işlərinə başlanıla bilər. İlkin mərhələdə 200 skrollerin quraşdırılması nəzərdə tutulur.

Qeyd edək ki, yeni sistem məsafədən skrollerlərdə reklamların nümayiş vaxtının təyin edilməsinə imkan yaradacaq. Reklamın nümayiş olunacaq vaxtını ödənişdən asılı olaraq təyin etmək mümkün olacaq. Sistem həmçinin real vaxt rejimində skrollerlərdə hansı reklamın nümayiş olunduğuna nəzarət etməyə imkan yaradacaq.

Skrollerlərin digər bir funksiya ondan ibarət olacaq ki, əgər reklam verən şirkət tərəfindən ödəniş aparılmasa, sistem üzərindən reklamı bloklamaq mümkün olacaq.