Bakıda poliklinikaların bütün heyəti COVID-19 testindən növbəli şəkildə keçib - RƏSMİ
“Pasiyentlər öncədən təyin olunmuş vaxtda qəbula gəldiklərinə görə poliklinikalarda heç bir sıxlıq yaşanmır”.
Bunu Bakı şəhər Baş Səhiyyə İdarəsi, Ambulator-poliklinik xidmətin təşkili sektorunun müdiri Esmira Hacıyeva deyib.
O qeyd edib ki, pasientlərin təxirəsalınmaz tibbi yardıma ehtiyacları olan təqdirdə qəbula yazılmadan da düşmək mümkündür.
“Hazırda peyvəndlərin aparılması, hər zaman olduğu kimi, Milli Peyvənd Təqviminə görə həyata keçirilir”, - deyə Esmira Hacıyeva bildirib.
Səhiyyə Nazirliyinin rəsmisi vurğulayıb ki, koronavirusun sürətli yayıldığı mərhələdə (aprel-iyun aylarında) müvafiq qoruyucu geyimlərlə (üz üçün sipər, baxil, tibbi əlcək, tibbi maska və s.) təmin olunub və Bakı şəhər poliklinikalarının bütün tibbi və texniki heyətinin COVID-19 testindən növbəli şəkildə keçirilməsi təşkil edilib.
Mənbə: Oxu.az
Şərhlər
Şərhləri göstər Şərhləri gizlət