Badmintonçumuz beynəlxalq turnirə qələbə ilə başlayıb

Badmintonçumuz beynəlxalq turnirə qələbə ilə başlayıb

Minskdə badminton üzrə “Belarus International-2018” beynəlxalq turniri davam edir. Turnirin ikinci günündə mübarizəyə qoşulan Azərbaycan idmançıları Edi Reski Dviçayo və Ezmi Qovimuramadhoni kişi badmintonçuların şəxsi yarışına əsas mərhələdən start verib.

AZƏRTAC xəbər verir ki, təmsilçilərimizdən Edi Reski Dviçayo 1/16 final mərhələsində qazaxıstanlı Dmitriy Panarin üzərində 2:0 hesablı qələbə qazanıb. Növbəti mərhələdə finlandiyalı Yonas Korhonenlə qarşılaşan Edi bu görüşdə də asanlıqla qələbə qazanıb - 2:0. Dviçayo 1/4 finalda Hindistan badmintonçusu Kiran Corcla qarşılaşacaq.

Mübarizəyə əsas mərhələdən başlayan Ezmi Qovimuramadhoni isə ilk görüşündə Fransa təmsilçisi Leo Rossiyə 0:2 hesabı ilə uduzub.