Azərbaycanın heç bir bölgəsində HOVUZUN FƏALİYYƏTİNƏ İCAZƏ VERİLMİR
Azərbaycanın 4 şəhər və 5 rayonunda sərtləşdirilmiş karantin rejimi tətbiq edilir.
Məhz bu səbəbdən də Bakı, Gəncə, Lənkəran və Sumqayıt şəhərlərinin, Abşeron, Yevlax, İsmayıllı, Kürdəmir və Salyan rayonlarının ərazisində otel, istirahət və əyləncə məkrəzlərinin fəaliyyəti dayandırılıb.
Ens.az News24.az-a istinadən xəbər verir ki, buna baxmayaraq, karantin rejimi tətbiq edilməyən bölgələrdə yerləşən otel və istirahət mərkəzlərində də müəyyən qadağalar var.
Belə ki, Şəki, Şamaxı, Nabran, Şabran kimi bölgələrdə ya otellər karantin rejiminə görə bağlıdır, fəaliyyət göstərənlər də isə hovuzdan istifadəyə icazə verilmir.
Məsələylə bağlı Dövlət Turizm Agentliyinin mətbuat katibi Kənan Quluzadə News24.az-ın sualına cavab olaraq bununla bağlı yaxın günlərdə açıqlama olacağını bildirib.
Şərhlər
Şərhləri göstər Şərhləri gizlət