Azərbaycanda Toxum Birjasının yaradılmasına başlanılıb
“Hazırda Azərbaycanda Toxum birjasının yaradılması istiqamətində hazırlıq işləri aparılır”.
Bu barədə "Report"a açıqlamasında Kənd Təsərrüfatı Nazirliyi (KTN) yanında Dövlət Toxum Fondunun sədri Emin Əliyev bildirib.
E.Əliyev vurğulayıb ki, hazırda xarici təcrübəni və həmin təcrübənin tətbiqini öyrənirik və fikir mübadiləsi aparılır.
Nazirlik rəsmisi diqqətə çatdırıb ki, Toxum birjasının yaradılmasında əsasən Qərbi Avropa təcrübəsindən yararlanırlar.
Qeyd edək ki, bu birjada onlayn rejimdə toxumun alışını, sertifikasiyasını, logistikasını və hətta ticarətini həyata keçirmək mümkün olacaq. Toxum birjası toxum istehsalçıları və idxalçıları, toxumçuluqla məşğul olan fiziki və hüquqi şəxslər üçün vahid platforma rolunu oynayacaq.
Şərhlər
Şərhləri göstər Şərhləri gizlət