Azərbaycanda hansı peşə sahibləri gündə neçə saat işləyir?
Bu ilin yanvar-fevral aylarında bir işçiyə düşən orta aylıq işlənmiş iş saatlarının miqdarı 151,1 saat təşkil edib.
Yeniavaz.com açıqlanan rəsmi statistikaya istinadən bildiri ki, ötən ilin analoji dövrü ilə müqayisədə işçilərin iş saatının miqdarı azalıb. Belə ki, ötən ilin yanvar-fevral aylarında Azərbaycanda işçilərin orta aylıq işlənmiş iş saatlarının miqdarı builki göstəricidən 1,2 saat az olub.
Azərbaycanda ən çox işləyənlər su təchizatı, tullantıların təmizlənməsi və emalı sahələrində çalışanlardır. Qeyd etdiyimiz sahənin işçiləri ay ərzində orta hesabla 160,1 saat işləyirlər ki, bu da ötən illə müqayisədə 4,7 saat çoxdur. Ən az işləyənlər isə təhsil sahəsində çalışanlardır. Təhsil sahəsində çalışanlar ay ərzində 146,9 saat işləyiblər və bu da ötən ilin analoji dövrü ilə müqayisədə 0,2 saat artıq olub.
Aylıq iş saatları ən çox artan elektrik enerjisi, qaz və buxar istehsalı, bölüşdürülməsi və təchizatı, həmçinin qeyd etdiyimiz su təchizatı, tullantıların təmizlənməsi və emalı sahələrində işləyənlərdə müşahidə olunub. Bu sahələrdə işləyənlərin orta aylıq iş saatları ötən ilin analoji dövrü ilə müqayisədə müvafiq olaraq 4 saat və 4,7 saat artaraq 159,1 saat və 160,1 saata yüksəlib.
Digər sahələrdə isə ay ərzində iş saatlarının miqdarı belə olub:
| İqtisadi fəaliyyət növləri | İş saatlarının miqdarı |
| Kənd təsərrüfatı, meşə təsərrüfatı və balıqçılıq | 151,1 |
| Mədənçıxarma sənayesi | 154,6 |
| Emal sənayesi | 152,4 |
| Elektrik enerjisi, qaz və buxar istehsalı, bölüşdürülməsi və təchizatı | 159,1 |
| Su təchizatı, tullantıların təmizlənməsi və emalı | 160,1 |
| Tikinti | 150,7 |
| Ticarət; nəqliyyat vasitələrinin təmiri | 158,6 |
| Nəqliyyat və anbar təsərrüfatı | 153,3 |
| Turistlərin yerləşdirilməsi və ictimai iaşə | 156,6 |
| İnformasiya və rabitə | 157,3 |
| Maliyyə və sığorta fəaliyyəti | 154,5 |
| Daşınmaz əmlakla əlaqədar əməliyyatlar | 154,2 |
| Peşə, elmi və texniki fəaliyyət | 153,3 |
| İnzibati və yardımçı xidmətlərin göstərilməsi | 151,1 |
| Dövlət idarəetməsi və müdafiə; sosial təminat | 156,9 |
| Təhsil | 146,9 |
| Əhaliyə səhiyyə və sosial xidmətlərin göstərilməsi | 151,7 |
| İstirahət, əyləncə və incəsənət sahəsində fəaliyyət | 156,8 |
| Digər sahələrdə xidmətlərin göstərilməsi | 147,6 |
Şərhlər
Şərhləri göstər Şərhləri gizlət