Azərbaycan yığması Macarıstan komandası ilə oyundan əvvəl son məşqə çıxıb

Azərbaycan yığması Macarıstan komandası ilə oyundan əvvəl son məşqə çıxıb

Azərbaycan milli komandası Macarıstan yığması ilə AVRO-2020-nin seçmə qrup oyunundan əvvəl son məşqə çıxıb.

"Report"un Budapeştə ezam olunmuş əməkdaşı xəbər verir ki, hazırlıq prosesi matçın keçiriləcəyi "Groupama Arena"da təşkil olunub. 

İlk 15 dəqiqəsi açıq olan çalışmaları AFFA-nın I vitse-prezidenti Rauf Əliyev, baş katib Elxan Məmmədov, İcraiyyə Komitəsinin üzvləri İskəndər Cavadov və Vaqif Sadıqov izləyib. Eyni zamanda tribunada 20-dək azərbaycanlı azarkeş komandaya dəstək verib. Onlar bu gün 27 yaşı tamamlanan Qara Qarayevi çağıraraq, onu təbrik ediblər.

Qeyd edək ki, oktyabrın 13-də keçiriləcək Macarıstan - Azərbaycan matçı Bakı vaxtı ilə saat 20:00-da başlanacaq.