Avtomobil şinləri niyə qara rəngdədir?

Yəqin dünya rəngbərəng təkərlərlə daha gözəl olardı. Ancaq təəssüf ki, əksər hallarda təkərlər zülmət gecə kimi qara rəngdədir. Niyə bu belədir və kimə lazımdır?

Əvvəllər təkərlər həmişə qara olmazdı. Avtomobil sənayesi yeni yarananda nəqliyyat vasitələrində açıq rəngli şinlər bərq vururdu, çünki o dövrdə xüsusi fərqlənməyən rezinin tərkibinə sink oksidi daxil idi. "Təmiz" rezin də çox yumşaq olurdu, deformasiyaya uğrayır və olduqca tez köhnəlirdi.

Ens.az xəbər verir ki, bu sahədə dönüş nöqtəsi Birinci Dünya Müharibəsi illərində baş verdi - istehsalçılar, texniki karbona və ya qatı hisin xüsusiyyətlərinə, xüsusən istiliyi yayma qabiliyyətinə diqqət çəkdilər. Başlanğıcda, doldurucu piqment yalnız protektorlarda istifadə olunurdu, buna görə fotoşəkillərdə, filmlərdə və ya o illərin salnamələrinə baxdıqda təkərlərinin yan divarları köhnə istehsal texnologiya istifadəsi səbəbindən hələ də ağ rəngdədir.

His yalnız təkərlərin rəngini dəyişmədi, ilk növbədə dayanıqlığı, həmçinin aşınma və deformasiyaya qarşı müqavimətini artırdı. Yəni, vulkanizasiya edilmiş rezin xüsusiyyətlərini yaxşılaşdırdı və yalnız bundan sonra şinlərin görünüşünü daha estetik hala gətirdi. Ağ təkərlərin necə tez və asanlıqla çirkləndiyini təsəvvür edin.