Bunun baş tutması üçün strateji sektorlarda avronun istifadəsinin artırılması məsləhət görülür
Avropa Komissiyası beynəlxalq hesablaşmalarda avronu daha cəlbedici etməyi planlaşdırır. Sputnik Azərbaycan Rusiya KİV-nə istinadən xəbər verir ki, avronun gücləndirilməsinə dair plan bu gün açıqlanıb.
Sənəddə qeyd olunur ki, valyutanın istifadəsi haqqında qərarı bazar iştirakçılarının özləri verməlidir və heç kəs onların azad seçim hüququnu məhdudlaşdırmaq niyyətində deyil. Lakin avronun rolunun güclənməsi beynəlxalq maliyyə sisteminin sabitliyini yüksəltməyə kömək edəcək, beynəlxalq iqtisadiyyatın sarsıntılara olan həssaslığını azaldacaq.
Avrodan qlobal anlamda daha geniş istifadə Avropa biznesi üçün xərcləri və riskləri azaldacaq, həmçinin şəxsi təsərrüfatlarda ödənən faiz dərəcələrini azaldacaq. Bunun baş tutması üçün strateji sektorlarda avronun istifadəsinin artırılması məsləhət görülür. Bura yanacaq (neft və qaz), faydalı qazıntılar, kənd təsərrüfatı məhsulları və nəqliyyat sahələri daxildir.
Şərhlər
Şərhləri göstər Şərhləri gizlət