Aşıq Qurbani - Mənim

Alәmi-röyada yarımı gördüm,
Göründü gözümә haralar mәnim!
Qara bağrım şan-şan oldu, dәlindi,
Baş verdi sinәmdә yaralar mәnim!

Şeyda olub gülşәnimdә ötmәdi,
Canan gәlib göz önündәn getmәdi.
Ha aradım, әlim yara yetmәdi,
Günbәgün irәngin saralar mәnim!

Әvvәl başdan belә yazılıb yazı,
Kimlәr gedәr, dünya, sәndәn irazı!..
Şahım şәfaәtçi, haqq özü qazı,
Qurbaniyәm, işim aralar mәnim.

Mürşüdüm, kamilim, dinim, imanım,
Bir әrzim var qulluğuna, şah, mәnim.
On bir aydı sәr tövlәnә bәklәrәm,
Agah ol dәrdimә, qiblәgah, mәnim.

Heç bilmirәm, nә xәyala daldılar,
Könlüm evin zülmәtlәrә saldılar,
Döydülәr, söydülәr, yarım aldılar,
Keçmәdi әlimә doğru, şah, mәnim.

Abdal olan dәrsin oxur dәrindәn,
Qәvvas olan lәli seçәr düründәn,
Gözü yaşlı keçdim Xudafәrindәn,
İşim oldu qәmü hicran, ah mәnim.

Ötüşür bülbüllәr, budu, gәldi yaz,
Qurbaninin canı yolunda niyaz.
Sәrim sadağadır, üzüm payәndaz,
Yoxdur bundan qeyri bir mәtah mәnim.