Aşıq Qurbani - Deyiləm
İxtiyar sənindi, vəfalı dilbər,
Mən sənin xətrinə dəyən deyiləm.
Səbəb nədi məndən kənar gəzirsən?
Sir sözün yadlara deyən deyiləm.
Hər gecə vayğamda1 görürəm səni,
Sən allah, sən tanrı, sən də gör məni,
Çıxsın ilqarından dönənin canı,
Mən ki ilqarımdan dönən deyiləm.
Qurbani der: gülü tutasan dəstə,
Dəribən verəsən vəfalı dosta,
Üzümü qoysam da üzünün üstə,
Öpübən dişlərəm, yeyən deyiləm.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət