Aşıq Paşa - Dilim bülbül oldu ötər

Aşıq Paşa - Dilim bülbül oldu ötər

Dilim bülbül oldu ötər,
Ahım cana qılır əsər, 
Dürlü-dürlü yemiş bitər 
Məmur oldu bustanımız.
Keçənlər netdi neylədi?
Hər birisi bir ad qoydu.
Leyli ilə Məcnun kimi 
Söylənilir dastanımız.
Eşq ilə başım xoşdur,
Hara varsam yoldaşdır,
İ1 on iki ay sərxoşdur 
Eşqidən içdi cammız.
Müti olduq eşq halında 
Baxmadıq dünya malına. 
Girdik ərənlər yoluna 
Dürüst oldu imanımız.
Nə kaşadır, nə gözəldir 
Meyilimiz xub üzədir.
Daima solmaz, təzədir 
Bu bizim gülüstanımız.
Kim bildi dərman əcələ 
Görsə gərək hər ki gələ.
Biz dəxi gedəriz ol yola 
Mənzildədir karvanımız.
Aşiq Paşam necə, necə? 
Dovlət onun, ol göz aça. 
Bizdən daha gələ keçə 
Bu yalançı devranımız.