Aşıq İdris - Bir gün
Kasıbın başına ələmə odu,
Fələyin badına gələrsən bir gün.
Vallah, belə qalmaz dönər zamana,
Etdiyin-tutduğun bilərsən bir gün.
O yoğun boynuna zəncir salınar,
Yazığın-yuzuğun öcü alınar.
Kəndlərdə adına zurna çalınar,
Xəlvətdə göz yaşın silərsən bir gün.
İdrisin sözləri boşuna deyil,
“Böyüklük” kimsəyə qalmaz yaxşı bil.
Qəza gəlsə səni edər zir-zibil,
Düşər vəzifədən ölərsən bir gün.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət