"ASAN VİZA"ya müraciət edən 100 yaşlı turist "ASAN xidmət" mərkəzinin fəaliyyəti ilə tanış olub

"ASAN VİZA"ya müraciət edən 100 yaşlı turist "ASAN xidmət" mərkəzinin fəaliyyəti ilə tanış olub

"ASAN VİZA"ya müraciət edən ən yaşlı turist "ASAN xidmət" mərkəzinin fəaliyyəti ilə tanış olub.

"Report"un müxbiri xəbər verir ki, 100 yaşlı Bolqarıstan əsilli İsrail vətəndaşı Danon Yaakov ASAN xidmətə gəlib.

D.Yaakov bildirib ki, bu, onun Azərbaycana ilk səfəridir: "Azərbaycan haqqında eşitmişdim, sonra oxudum, maraqlandım. Aldığım məlumatlarda insanlarının çox səmimi, qonaqpərvər və yeməklərinin isə dadlı olduğunu öyrəndim. Bura gələndən sonra bu məlumatların doğruluğuna əmin oldum".

Onun sözlərinə görə, Azərbaycanda çətinliyi olmayıb: "Azərbaycana daxil olanda sənədləşmədə problemim oldu, sağ olsunlar operativ şəkildə həll etdilər. Ölkəni çox sevdim".