Arif Rəhimov: “İnsanlar bundan sonra da ictimai yerdə toplaşmaqdan çəkinəcək”
“Formula-1”lə razılığa gəlmişik ki, bizdən əvvəlki yarışın ləğv olunma təhlükəsi yaranarsa, bizim yarışın yeni tarixini təsdiqləyək”.
Oxu.Az xəbər verir ki, bunu Bakı Şəhər Halqasının rəhbəri Arif Rəhimov “Forbes”ə açıqlamasında deyib.
O, iyunda keçirilməsi təxirə salınmış Azərbaycan Qran Prisinin yeni tarixinin hələ müəyyənləşmədiyini bildirib.
Ancaq bu yarışı oktyabr ayında keçirmək istəyən Azərbaycan şərtlərini qarşı tərəfə açıqlayıb:
“Əgər “Formula-1” şərtlərimizlə razılaşarsa, onda inanıram ki, bilet satışına heç bir mənfi təsir göstərmədən möhtəşəm bir Qran Pri keçirə bilərik. Yəqin ki, “Formula-1” təqvimində bu il az yarış olacaq. Bu isə o deməkdir ki, azarkeşlər öz ölkələrindəki yarış ləğv olunsa, yaxınlıqdakı ölkənin yarışına baxmaq üçün səfər etmək istəyəcək”.
Bununla belə, A.Rəhimov bu yarışlara tribunalarda azarkeş marağının əvvəlki tək olmayacağını da qeyd edib:
“Ümid edirəm ki, COVID-19 virusunu məğlub edəcəyik. Ancaq bu, sosial zərbə ola bilər. İnsanlar bundan sonra da ictimai yerdə toplaşmaqdan çəkinəcək.
Bundan əlavə, gözlənilən iqtisadi geriləmə adətən əyləncələrə və yarışlara xərclənən gəlirlərin azalması demək olacaq”.
Şərhlər
Şərhləri göstər Şərhləri gizlət