AQTA zooparkın ətini kəsib: “Onlar ödənişsiz idi

“Müsadirə olunmuş ətlərin heyvanlara verilmə halı olub. Verilən ətlərin heyvanlara heç bir ziyanı olmayıb”. 

Bunu Cebhe.info-ya Zooloji Parkın direktoru Azər Hüseynov deyib.

Direktorun sözlərinə görə, əvvəllər heyvanlara Azərbaycan Respublikasının Qida Təhlükəsizliyi Agentliyi tərəfindən müsadirə olunan ətlər verilirdi, lakin son zamanlar ancaq müqavilə əsasında alınan ətlər verilir: 

“Ümumilikdə heyvanlara malın baş ətini, böyrək, qursaq, toyuq əti verilir. Təbii ki, müsadirə olunmuş ətlər olsa, daha yaxşı olar, çünki onlar ödənişsiz olur və zooparkın fəaliyyətinə müsbət təsir edər. Əvvəllər AQTA-nın müsadirə etdiyi ətlər verilirdi. Ətlər müsadirə olunan zaman, yəni at əti və yaxud mənşəyi məlum olmayan ətlər aşkarlandıqda laboratoriyada yoxlayıb zooparka verirdilər. Son vaxtlar isə bu dayandırılıb, ət vermirlər. Aldığımız ətləri müqavilə ilə “Səhliyalı” müəssisəsindən alırıq”. 

Səyad Həsənli