“Aqrolizinq” nümayəndələri Ağcabədidə regionun fermer və sahibkarları ilə görüş keçirəcəklər
Kənd Təsərrüfatı Nazirliyiyanında “Aqrolizinq” ASC “Regionlarda maarifləndirmə və sorğu” layihəsini davam etdirir.
"Report" xəbər verir ki, bu barədə dövlət şirkətinin açıqlamasında bildirilir.
Məlumatda həmçinin deyilir ki, “Aqrolizinq”in bir qrup rəhbər işçiləri bu layihə layihəsi çərçivəsində oktyabrın 13-də Ağcabədi rayonunda sakinlərlə görüş keçirəcəklər. Saat 11:00-da Bayraq Muzeyində keçiriləcək görüşdə Ağcabədi, Zərdab, Beyləqan, Xocavənd, Füzuli, Bərdə, Ağdam, və Tərtər rayonlarının sakinləri iştirak edəcəklər.
Görüşün əsas məqsədi “Aqrolizinq” ASC tərəfindən göstərilən xidmətlər və lizinq qaydalarına dair vətəndaşların maarifləndirilməsi, həmçinin mövcud problemlərin dinlənilməsi və onların həll edilməsidir.
Görüşdə iştirak etmək istəyənlər Ağcabədi Dövlət Aqrar İnkişaf Mərkəzinə (050 318-88-76) müraciət edə bilərlər.
Şərhlər
Şərhləri göstər Şərhləri gizlət