Amerikalı milyarder yeni superkarını təqdim etdi

“Ölkə.Az” xəbər verir ki, iş adamı özünə məxsus avtomobil şirkəti də qurub. Şirkət “SCG003” markalı hiperkar da istehsal edib. Bu yaxınlarda isə yeni modelin təqdimatı keçirilib. Yeni avtomobildə sürücü salonun tam ortasında oturur.

Yeni superkar “Scuderia Cameron Glickenhaus 004S” adlanır. “McLaren F1” modelində olduğu kimi sürücü salonun tam ortasında əyləşir. Arxada isə iki sərnişinlik oturacaq var.

Avtomobil karbon lifindən hazırlanıb və bu səbəbdən çəkisi 1179 kq-dır. Arxa difrensial özünü bloka salır, nizamlanan amartizator yeniliklərdəndir. Avtomobili V8 tipli, 5 litr həcmli, iki turbini olan mühərrik hərəkətə gətirir. Aqreqat 650 at gücü hasil edir. Mühərrik 6 pilləli mexaniki sürətlər qutusu ilə işləyir.

Şirkət 25 ədəd avtomobil istehsal etməyi planlaşdırır. Bir avtomobilin qiyməti 400 min dollardır. Kütləvi istehsala 2019-cu ildə başlanılacaq. Ümumi olaraq 250 avtomobilin istehsalı planlaşdırılır.