8 Mart – Beynəlxalq Qadınlar Günü münasibəti ilə Qaradağ Rayon İcra Hakimiyyətinin məsul işçiləri şəhid analarını ziyarət ediblər.

 8 Mart – Beynəlxalq Qadınlar Günü münasibəti ilə Qaradağ Rayon İcra Hakimiyyətinin məsul işçiləri şəhid analarını ziyarət ediblər. 

Görüşdə canını vətən uğrunda qurban verən şəhidlərin anaları, xanımlarını, bacılarını və qız övladlarını iştirak edib. Onların hər biri Beynəlxalq Qadınlar Günü münasibət ilə təbrik edilib və hədiyyələr təqdim edilib.

 Əziz xanımlarımızı Ölkə Başçısı, Prezident cənab İlham Əliyev təbrik edərək, xüsusi vurğulamışdır ki, "Azərbaycan qadını milli dövlət quruculuğu işinin fəal iştirakçısı kimi müstəqillik illərindəki nailiyyətlərimizin zirvə nöqtəsinə yüksəlməyimiz və parlaq Qələbə sevinci yaşamağımız naminə var qüvvəsini səfərbər etmişdir. Göz açıb azad gördüyü yurdunu ana qədər müqəddəs bilən, milli ideallara sadiq gənc nəsli də o, məhz öz mənəvi gücü, polad iradəsi hesabına yetişdirmiş, tarixin hökmü ilə ədalətin zəfər çalacağına və haqq işimizin qalib gələcəyinə həmin nəslin qəlbində sarsılmaz inam duyğusu aşılamışdır. Azərbaycan qadınının müasir dövlətçiliyimizə ən dəyərli töhfəsi olan bu nəsil 44 günlük Vətən müharibəsində rəşadəti ilə xalqımızın mübarizlik rəmzinə dönərək ümidləri tam doğrultmuşdur.

 Mən torpaqlarımızın müdafiəsi və işğaldan qurtarılması zamanı canlarından keçmiş igid övladlarımızın xatirəsini bir daha ehtiramla yad edir, şəhid analarına və xanımlarına, döyüşlərdə sağlamlığını itirmiş hərbçilərimizin ömür-gün yoldaşlarına, xalq üçün layiqli oğullar böyüdən əsgər analarına xoş arzularımı yetirirəm"

Görüşün sonunda şəhid ailələrini narahat edən məsələlər, onların arzu və istəkləri dinlənilib. Şəhid anaları ölkə rəhbərliyinin onları daim diqqətdə saxladıqları və qayğı ilə əhatə etdiyi üçün öz təşəkkürünü bildirmiş və Mehriban xanım Əliyevanı da 8 Mart  – Beynəlxalq Qadınlar Günü   münasibəti ilə təbrik etmişlər.