100 yaşlı qadın uzunömürlülüyün sirrini açdı: İş “sosiska”da imiş

100 yaşlı qadın uzunömürlülüyün sirrini açdı: İş “sosiska”da imiş

İngiltərənin Stansted şəhərinin uzunömürlü sakini bu yaşa sevimli yeməyi sayəsində gəlib. Qadın çörəkarası sosisi çox sevir.

Bizimyol.info xəbər verir ki, Meri Emersonun iyunun 30-da 100 yaşı tamam olub. Qadın indiyə qədər evinə gələnləri həmişə “sosiska”ya qonaq edib.

Meri təəssüf edir ki, daha çörəkarası sosis hazırlaya bilmir, çünki köməyə ehtiyacı var. Amma məhz bu yeməyin və pozitiv ovqatın onu 100 yaşa gətirib çıxardığını deyir.

Həyat yoldaşı Tomu 1976-cı ildə itirib. Ardınca bacısı da vəfat edib. Meri tam tək qalıb. Buna baxmayaraq, həmişə sağlam və xoşbəxt yaşadığını söyləyir.