10 milyon manatlıq heyvandarlıq kompleksi tikilir - Sifariş bu şirkətə verildi

10 milyon manatlıq heyvandarlıq kompleksi tikilir - Sifariş bu şirkətə verildi

Qobustan rayonunda iri və xırda buynuzlu heyvanlardan ibarət heyvandarlıq kompleksi tikiləcək.

"Marja" xəbər verir ki, Kənd Təsərrüfatı Nazirliyi “Fasad-F” MMC ilə müqavilə bağlayıb. Müqavilə "Qobustan rayonunda iri və xırda buynuzlu heyvanlardan ibarət heyvandarlıq kompleksinin tikintisi"ni nəzərdə tutur.

Müqavilənin məbləği 9 milyon 744 min 578 manatdır. 

Məlumata görə, bu heyvandarlıq təsərrüfatı  həmçinin aqroturizm obyekti kimi nəzərdə tutulub.

2016-cı ildə dövlət qeydiyyatına alınmış “Fasad-F” MMC-nin 100 manat nizamnamə kapitalı var. Şirkətin direktoru Fəxri Cəfərovdur.