Zəngəzurda Ermənistanla Azərbaycan nümayəndələri arasında danışıqlar olub

Zəngəzurda rus sülhməramlılarının iştirakı ilə Ermənistanla Azərbaycan arasında danışıqlar baş tutub.

 “Ölkə.Az” “hraparak”a istinadən xəbər verir ki, görüş martin 31-də Zəngəzurun Teğ kəndinin Azərbaycan ordusunun yeni mövqelərdə möhkəmləndiyi ərazilərdə baş tutub.
Qeyd edək ki, Azərbaycan ordusu iki gün öncə Laçın rayonun Zabux və Cağazur ərazisində yerləşən bir neçə hakim yüksəklikləri əsas və yardımçı yollar, eləcə də sərhədboyu geniş sahələr nəzarətə götürərək mövqelərini möhkəmləndiriblər.

“Hraparak”ın yazdığına görə, Ermənistan  Milli Təhlükəsizlik Xidmətinin direktoru Armen Abazyan da dünən Zəngəzurda olub.

Danışıqlarda ermənilər Azərbaycan tərəfindən yeni nəzarətə götürdükləri ərazilərdən ilkin əldə edilən razılaşmaların olduğu hissəsinə qədər bir az geri çəkilməyə inandırmağa çalışıblar. Lakin danışıqlar nəticəsiz başa çatıb. Azərbaycan yeni mövqelərdən geri çəkilməyib və orada möhkəmlənməkdədir.