Zelenski: ABŞ 2018-ci ildə Krımı Rusiya kimi tanımayacağına söz verib

Zelenski: ABŞ 2018-ci ildə Krımı Rusiya kimi tanımayacağına söz verib

Vladimir Zelenski bəyan edib ki, ABŞ 2018-ci ildə Krımı Rusiya kimi tanımayacağına söz verib.

Ens.az Doğru.az-a istinadən xəbər verir ki,o, bu barədə X sosial şəbəkəsində ABŞ-ın keçmiş dövlət katibi Mayk Pompeonun 25 iyul 2018-ci il tarixli bəyanatının skrinşotunu müşayiət edərək yazıb.

Amerikalı diplomat daha sonra bildirib ki, ABŞ Rusiyanın Krımı “ilhaq etmək” cəhdini rədd edib və “Ukraynanın ərazi bütövlüyü bərpa olunana qədər” bu siyasətə sadiq qalacağına söz verib. Bundan əlavə, Pompeo o zaman da bəyan etmişdi ki, Vaşinqton Rusiyanın ərazi üzərində suverenlik iddialarını tanımayacaq.

Bir müddət əvvəl ABŞ prezidenti Donald Tramp bildirib ki, Zelenskinin Krımı Rusiya kimi tanımaqdan imtina etməsi danışıqlara zərərlidir.

Daha sonra Ağ Ev vurğuladı ki, Zelenski sülhə doğru deyil, əks istiqamətdə hərəkət edir.