Zaxarova erməniləri o qədər təriflədi ki...
Rusiya Xarici İşlər Nazirliyinin rəsmi nümayəndəsi Mariya Zaxarova yenidən ermənilərin ünvanına təriflər yağdırmağa başlayıb.
Axar.az xəbər verir ki, Zaxarova təriflərini Rossiya-24-də yayımlanan “Vladimir Soloyovlə bazar axşamı” proqramında çıxışı zamanı dilə gətirib.
“Erməni qonaqpərvərliyinin sərhədi yoxdur. Bu, həqiqətən çox gözəldir, çox əyləncəlidir. Ən fantastik olan odur ki, məni burada tamam fərqli adamlar qəbul etdilər. Bu danışıqlar jurnalistlərlə, rəsmi şəxslərlə oldu, ona görə ki, mən ezamiyyətdəydim”, – deyə o bildirib.
Zaxarova İrəvanda çətin siyasi və tarixi məsələləri müzakirə etdiyini söyləyib:
“Məni heyran edən tarixi, mədəni məsələləri milli qürurunun bir hissəsi edən çox temperamentli adamların ən çətin mövzularda hörmətlə danışmağı və müzakirə etməyi bacarmaları idi. Ermənistanda hər kəs üçün əlçatan olan mədəniyyəti və böyüklüyü gördüm”.
Şərhlər
Şərhləri göstər Şərhləri gizlət