“YouTube” rekord həcmdə cərimə olundu

“Google” rekord həcmdə 150 -200 milyon dollar cərimə ödəyəcək. Buna səbəb isə “YouTube”un həddi-buluğa çatmayan uşaqların məlumatlarının yığılması ilə bağlıdır.

Facemark.az xəbər verir ki, “Reuters” nəşri yazır ki, istifadəçilər Federal Ticarət Kommisiyasından (FTC) istəyib ki, videoservis hədəflənmiş reklamın göstərilməsi üçün uşaqların informasiyalarını yığır.

Qeyd edək ki, daha əvvəl videoservis konfilikti həll etmək üçün uşaqlar ilə bağlı kontentin əsas hissəsini “YouTube Kids”ə köçürdü. Ancaq yenə də uşaqların əksəriyyəti “YouTube”un əsas tətbiqindən istifadə etməyə davam etdilər.

Daha əvvəl deyilirdi ki, “YouTube” uşaqlar ilə bağlı çarxlarda hədəflənmiş reklamdan bütünlüklə imtina etməyə çalışır. Belə bir addım isə şirkətə ildə 50 milyon dollara başa gələcəkdi.

Qanuna görə, Amerika şirkətləri 13 yaşdan kiçik uşaqlar haqqında məlumatların toplanması üçün valideynlərin razılığını almalıdır. Bu isə xüsusilə öz profilində yaşını qeyd etməyən uşaqlar üçün nəzərdə tutulub. Bütün onlayn platformalar bu qaydalara əməl etməyə çalışır. Məsələn, 2019-cu ilin fevralında musiqi xidməti “TikTok” bu qanunun müddəalarını pozduğuna görə, rekord həcmdə 5,7 milyon dollar cərimə edilmişdi.