Yol polisləri halı pisləşən sürücünü xilas edib xəstəxanaya çatdırdılar
Bu gün Bakı-Qazax yolunda hərəkət zamanı halı pisləşən sürücüyə yol polisləri kömək edib. Belə ki, yük avtomobilini idarə edən Ramal Rzayevin halı qəflətən pisləşdiyi üçün o, Navahi postuna yaxınlaşaraq yol polislərindən kömək istəyib. Postda xidmət aparan YPX əməkdaşları sürücüyə dərhal ilkin tibbi yardım göstərərək onu post patrul xidməti avtomobili ilə xəstəxanaya çatdırıblar. Avtosfer.az xəbər verir ki, xəstəxanada sürücüyə tibbi yardım göstərilir və hazırda onun səhhəti yaxşıdır.
Bununla bağlı Avtosfer.az-a açıqlama verən sürücü və onun atası yol polislərinə təşəkkürlərini bildiriblər. Avtosfer.az həmin görüntüləri təqdim edir.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət