Yaponiyada şəffaf tualet kabinələri quraşdırılır

Yaponiyanın paytaxtı Tokiodakı bəzi parklarda şəffaf tualet kabinələri quraşdırılıb. Pritzker mükafatı almış memar Şigeru Ban tərəfindən hazırlanan tualetlər təmizlik və təhlükəsizlik baxımından narahatlıqları aradan qaldırmaq məqsədi daşıyır.

New York Times qəzetinin yazdığına görə, bu tualetləri digərlərindən fərqləndirən iki əsas cəhət parlaq rəngli və şəffaf olmasıdır. Bu yolla, bu tualetlərə getməli olanlar içəridə oturmadan və heç bir şeyə toxunmadan unitazların təmizliyi və təhlükəsizliyini control edə bilirlər.

Tualetlərdə ağıllı şüşə istifadə olunur

Bu tualetlər, şəffaflığı dəyişdirərək ehtiyac olduqda gizlilik təmin etmək üçün ofislərdə və binalarda istifadə olunan "ağıllı şüşədən" hazırlanır.

Tokioda şəffaf tualetlər bu ay quraşdırılıb. Bu, Yay Olimpiya Oyunları öncəsi şəhərin köhnə tipli ictimai tualetlərinin tədricən istismarda çıxarılması üçün aparılan kampaniyaya təsadüf etdi. Şibuya bölgəsindəki bir qoruğun qarşısında qurulan tualetlər rəngli divarları olan Mondrian rəsmlərini xatırladır.

Düzgün bağlandıqda rəngli şüşədən hazırlanmış tualet kabinələri görünməz dərəcədə tutqun olur. Qapı açıldıqda, elektrik cərəyanı şüşədəki kristalları şəffaf edir. Tualetlər ölkənin texnoloji inkişafının futuristik və estetik nümunəsi kimi təqdim olunur.

Nümunələri qurulan şəffaf tualet fikri ilə bağlı şərhlər müxtəlifdir. Mexanizmin nasazlığı halında şəffaflıqla bağlı narahatlıqlar da var, tətbiqi elmi hesab edərək güvənib  dəstək verənlər də.

Mənbə: birgun.net