Xərçəngdən qoruyur, yaddaşı yaxşılaşdırır

Alimlərin yeni araşdırmaları göstərib ki, zəncəfil insan həyatını uzada bilir.

“Qafqazinfo” “MedikForum.ru”ya istinadən xəbər verir ki, zəncəfilin insan həyatını uzatması məhsulun orqanizmi xərçəngin müxtəlif növlərindən qoruması ilə bağlıdır. Konkret olaraq, o, kolorektal xərçəngin (yoğun bağırsaq xərçəngi) inkişafının qarşısını ala bilir. 30 nəfərin iştirakı ilə keçirilən eksperiment göstərmişdi ki, gündəlik 2 qram zəncəfil ekstraktının qəbulu bağırsaqda iltihabi siqnal molekullarının konsentrasiyasını yetərincə azaldır.

Bundan əlavə, zəncəfil ürək-damar xəstəlikləri daxil, digər xəstəliklərdən də qorunmağı təmin edir. Ürək xəstəlikləri “pis” xolesterinin orqanı oksigenlə təmin edən arteriyaları tıxaması zamanı yaranır. Siçovullar üzərində keçirilən tədqiqat göstərmişdi ki, zəncəfil ekstraktı bu növ xolesterinin səviyyəsini statin atorvastatin preparatı kimi aşağı sala bilir.

Həmçinin tədqiqatlarla sübut olunmuşdu ki, zəncəfil Altsheymer xəstəliyindən də qoruyur. Yaşlı insanlarla keçirilən sınaqlar isə zəncəfilin reaksiya və iş yaddaşını yaxşılaşdırdığını ortaya çıxarmışdı.