Video: polis smartfonları necə "sındırır"

Şotlandiya polisi "kiber köşk" adlandırıla bikəcək qurğunun işini əks etdirən video yayımlayıb. Bu, istənilən kilidli smartfondan məlumat əldə etməyi təmin edən xüsusi bir cihazdır.

Polis, xüsusi kabeldən istifadə edərək Smartfonu firmware proqramına qoşur.

Bu zaman kompüterin ekranında xüsusi panel görsənir və oradan smartfonun yaddaşından çıxarılacaq məlumat növünü seçmək təklif olunur.

Polis cihazdakı bütün məlumatlara deyil, yalnız bir sıra müvafiq sənədlərə giriş əldə etdiklərinin mümkün olduğunu vurğulayır. Məlumatların çıxarılması isə yalnız qanunla müəyyən edilmiş qaydada - istintaq zamanı sübutların toplanması məqsədilə məhkəmə qərarı əsasında mümkündür.

Şotlandiya polisi bu sahədə İsrailin "Cellebrite" şirkəti tərəfindən təkmilləşdirilmiş sistemdən istifadə edir. Bu şirkət əsasən mobil cihazların müdafiə sistemini "sındıraraq" onlara giriş əldə etmək istəyən dövlət orqanlarına - polisə, xüsusi xidmət orqanlarına və s. avadanlıq və proqram təminatını yaratmaqla məşğuldur. Cellebrite məhsulları şübhəli cinayətkarların mobil cihazlarının, habelə zərərçəkənlərin mobil cihazlarının içərisinə daxil olmaq üçün hüquq mühafizə orqanları tərəfindən tez-tez istifadə olunur.

Smartfonun "sındırılması" işini görən proqram isə özünün universallığı ilə seçilir. Lazımi məlumatların əldə olunmasını sürətləndirmək üçün istehsalçını və bəzən smartfonun markasını göstərmək kifayət edir. Cellebrite demək olar ki, bütün növ mobil cihazların, o cümlədən kriptovalyutaya cavabdeh olan xüsusi çipdə aparat qorunmasına malik Apple cihazlarının da "sındırıla" bildiyini iddia edir.

Zaman -zaman öz aktuallığını itirmiş Cellebrite qurğularının onlayn auksionlarda çox aşağı qiymətə satışa çıxarılması halları var. Güman olunur ki, yeni satışa çıxarılan qurğular alındıqdan sonra köhnə avadanlıq istismardan çıxarılır.