Vaxtından əvvəl üstünlük: Google-un kvant kompüteri bu qədərmi güclüdür?
Ens.az xəbər verir ki, kvant kompüterlərinin adilərdən daha məhsuldar olacağı vəd olunur, özəlliklə də təsadüfi rəqəmlərin generasiyası və kriptoqrafiya sahəsində.
Bu ən istəkli anı şərti olaraq "kvant üstünlüyü" adlandırırlar və korporasiyalar finişə yaxınlaşarkən artıq bir-birini dirsəkləriylə itələyib aralayırlar.
2019-cu ilin payızında Google tərtibatçıları elan etdilər ki, 53 qubitlik kvant prosessoru "Sycamore" bunadək ən güclü və müasir superkompüterin - "Summit" sisteminin 10 min il ərzində görə biləcəyi işi cəmi 200 saniyəyə edərək hədəfə ilk çatan sistem olub.
Ancaq peşəkar ictimaiyyət bu xəbərə şübhə ilə yanaşmışdı. Mütəxəssislərin fikrincə, "Sycamore" üçün çox dar bir texniki tapşırıq seçilmiş və adi kompüterin işləmə müddətinin qiymətləndirilməsi zamanı hesablamaların optimallaşdırılması imkanları nəzərə alınmamışdı. Ancaq görünən budur ki, mükəmməllik uğrunda yarış tam başa çatmasa da, finiş xətti çox da uzaqda deyil.
Şərhlər
Şərhləri göstər Şərhləri gizlət